314
REGISTRES DU BUREAU
[t 57i]
balance, la Politique ou administration des affaires publiques; la troisiesme qui tenoict le compas signi-fioil tous les arts, engins, mestiers et inventions artiflicielles pour l'usaige et service de hommes. Bref les trois Nymphes reprcsentoient toutes sciences et vertus entre lesquelles a esté, nourrie Minerve, qui signiffié la bonne nourriture qu'a eu nostre Royne, estant soubz sa mere l'Impératrice, princesse pleine de toute vertu, bonté, prudence, pieté et pu-dicité.
La troisiesme histoire contenoit l'apparition de Minerve, quand elle se monstra près du palus ou lac Tritonien, avec sa hache et targue, comme preste à executer quelque grand ouvraige et exploict de sa main; signiflîantque la Sapience divine, après avoir esté nourrie et entretenue en bon exercice et dis­cipline de jeunesse, a puissance de faire quelque grand effect pour perpetuelle memoyre, ainsi qu'a faict nostre Royne. Laquelle venue à la cognoissance de nostre Roy, si bien née, nourrie, instruicte et comme choisie de Dieu et préparée pour ung tel ma­riage, nous a causé ung si grand bien, asscavoir d'a­voir remis la paix en France, à sa venue.
La quatriesme histoire contenoit comme Minerve, armée avec son bon chevallier Persée, tua la Gor­gone qui avoit trois testes et ung seul œil servant aux 1rois, signifiiant que le conseil de Pallas ou Minerve, mis en execution parla force de Persée, rompt lout effort dc guerre, sédition et trouble provenant d'a­veugles ignorances, ainsi qu'a faict nostre Roy, le­quel soustenu comme Persée et favorisé de sa Mi­nerve, a chassé et abattu tous les troubles et séditions qui estoient en ce Royaulme.
La cinquiesme contenoit comme Minerve avec son Persée faict son entrée triuinphante en laville d'A­thènes, la Gorgone estant abatue aux portes de ladicte Ville; qui signiffioit l'entrée du Roy et la Royne en ceste ville de Paris, Ville excellente en toutes bonnes disciplines et diverses langues, comme jadis Athènes. Le Roy estoit monté sur le Pégase, cheval aislé, né du sang de la Gorgone, pour signiffier que la renom­mée du Roy voilera par tout le monde, pour ses ver­tueuses promesses, tantpar la bouchedes hommes que par les escriptz des histoires et poètes, qui ont la plume à la main, comme le Pégase aux flancs. Au
costé de Persée, sont plusieurs hommes tournez en pierre par le regard de la Gorgone, qui signiffioit l'espouventement qu'auront et ont desjà tous les en­nemis du Roy, eslonnez de sa gloire, magnificence et prosperité en toutes affaires, qu'il conduira par le bon conseil de sa Minerve.
La sixiesme contenoit la ville d'Athènes, où Neptune d'ung costé, Minerve de l'aultre, débattant le nom de la Ville qui n'estoit encores imposé, et fut ac­cordé que celluy qui inventeroit le don plus prouffi-table aux hommes, nommerait la Ville.
Neptune, de son trident, frappe contre une roche d'où sort ung cheval d'armes. Minerve frappe de sa hache sur la terre et faict sortir ung bel olivier, qui si­gniffié paix. Persée est au milieu, comme juge, qui choisist l'olive de Minerve, et mesprise Neptune et son present guerrier; qui signiffié la prudence de nostre Roy, lequel, par le bon heur et faveur de sa Mynerve la Royne, a planté la paix en ce Royaulme, et pour ce merite que non seullement la ville de Paris comme Athènes, mais toute la France soit nommée et renommée du nom d'icelle très heureuse et vertueuse Minerve, Elizabet, Royne de France.
Plus contenoit icelle histoire ung navire venant de Lybie, chargé de plusieurs sortes d'animaulx et oy-seaux estrangers, conduictz par ung Maure monté sur ung chameau, présentant ledict navire, cn signe de congratulation ou hommaige à Persée et Minerve. Et signiffioit ce navire, venant de Barbarie, que l'Asie ung jour viendra se soubzmettre à nostre Persée et Minerve, qui sont le Roy et la Royne, ou aux enf­fans qui sortiront de leur très heureux mariage, comme tesmoignent plusieurs prophéties disant quc du sang des Françoys et des Allemans, rejoinetz en­semble, doibt naistre ung prince qui dominera sur tout le monde.
Leurs Majestez ayant quelque temps contemplé ceste collation, et prins leur refection, ensemble ceulx de leur suitte, tant que bon leur auroyt semblé, fut ladicte dame conduicte en une chambre prochaine, en laquelle estoit dressé, sur une grande table, ung buffect d'argent vermeil doré, cizelé,de grande val­leur, et lequel pour l'excellence de l'ouvrage d'icelluy et beaulté des histoires convenables et deppendantes des choses susdictes, dont il estoit aorné partout, meriteroit bien une description à part(1). Ce buffet
O) Voir le marché passé le 14 octobre 1570, avec Richard Toutin, orfèvre dc Paris, pour la fabrication du buffet destiné à être offert à la Reine (ci-dessus, p. 2.35).